Lobya supu

Lobya supu çox güman ki, hər kəs tərəfindən çox bəyənilən yeməklərdən biridir. Axtardığınız dadlı resseptləri saytımızda tapa bilərsiniz. Lobya supunu hazırlamaq üçün sizə bu ərzaqlar lazım olacaq.

• Qırmızı lobya 2/3 stəkan
• Kartof 2 ədəd
• Orta boy soğan 1 ədəd
• Pomidor 3 ədəd
• Bitki yağı 3-4 xörək qaşığı
• Acı, yaşıl və ya qırmızı bibər 1 ədəd
• Cəfəri və şüyüt
• Sarımsaq (zövqə görə) 3-5 diş
• Ət bulyonu
• Qaynadılmış ət
• Ədviyyatlar: sarıkök, qara və qırmızı toz bibər, xmeli suneli, duz.

Hazırlanma qaydası:

• Əvvəlcədən lobyaları soyuq suda 5 saat saxlayırıq.
• Sonra suyu dəyişib, lobyanı 1,5 saat bişiririk.
• Soğanı qızarana qədər qovururuq, sonra isə pomidoru və xırda doğranmış acı bibəri əlavə edirik.
• Bişənə yaxın 3-5 diş sarımsağı da tökürük. Hazır olduqdan sonra blenderlə əzirik.
• Bütün bu qarışımı qazana töküb, lobya və bulyonu (su) əlavə edirik. Qarışdıraraq oda qoyuruq. Kubik şəklində doğranmış kartofları da töküb, 15 dəqiqə bişiririk.
• İstəyinizə görə 1 azca ət də əlavə edə bilərsiniz.
• Hazır olmağa yaxın ədviyyatları və duzu tökün.
• Servis edərkən zövqə görə göyərti də səpə bilərsiniz. Nuş olsun!

Ətsiz lobya supu

Ət sevməyənlər üçün asan hazırlana bilən lobya supu üçün sizə bu ərzaqlar lazım olacaq:

• 300 qr qırmızı lobya
• 3 ədəd pomidor
• 2 xörək qaşığı tomat pastası
• 3-4 diş sarımsaq
• 3-4 ədəd kartof
• 1 ədəd qırmızı soğan
• 1 çay qaşığı xmeli-suneli
• Kərə yağı
• Duz, istiot
• Cəfəri

Hazırlanma qaydası:

• Lobyalar 1 gün soyuq suda saxlanılır.
• Əvvəlcə soğanlar qızılı rəng alana kimi qızardılır.
• Daha sonra tomaat pastası və pomidor tökülür.
• Lobyaları da içinə əlavə edib üzərinə su alınır.
• Ədviyyatlar əlavə olunur.
• Lobyalar bişəndən sonra üzərinə braz da su alınıb 5 dəqiqə daha bişirilir.