Şəhidlərə aid şeirlər

Şəhidlərə aid şeirlər saytımızda sizlər üçün təqdim olunur.

Azərbaycan daim şəhid verən ölkə olmuşdur. Ətrafımızı əhatə edən qonşu dövlətlər o qədər torpaq hərisidir ki, daim bizi bölməyə, ərazimizi işğal etməyə çalışmışlar. Lakin torpağımız bizim üçün müqəddəsdir. Onu heç bir düşmənə vermərik. Daim mübarizə aparan oğul və qızlarımız bu yolda şəhid olmuşlar. Hər il anım günlərində şəhidlərimizi anırıq. Allahdan onlara rəhmət, yaxınlarına səbir diləyirik.

“

Şəhid

İsmayıl Qəsəbova

Zaman səni atıb getdi

Uşaqlığın ortasına.

Sən gözlədin, o gəlmədi,

Nə toyuna, nə yasına.

Buna gəlmək demək olmaz,

Hamı gəldi, hamı getdi.

Bircə anan! Sənin üçün,

Ömrünün hər anı getdi.

Bircə anan, anan səni,

Hey axtarıb arayırdı.

Əllərinin qabarıyla

Saçlarını darayırdı.

Və beləcə illər ötdü,

Sənintək igid böyüdü.

Nə biləydi anan sənin

Evində şəhid böyüdür?

Nə biləydi, ona şəhid,

Anası da deyəcəklər.

Məzarında qərənfillər

Lalə kimi bitəcəklər.

Nə biləydi, sinəsində,

Bala boyda dərd olacaq?

Nə biləydi, təsəllisi

Uğur ilə Mərd olacaq?

Bilirik ki, şəhid ölmür,

Ölməmisən, yaşayırsan.

Sən əbədi ata, yoldaş,

Bala adı daşıyırsan.

Daşıyırsan bu vətənin

Hər daşını, torpağını.

Daşıyırsan qələbənin

Şuşa adlı bayrağını.

Sən vətənə, bu torpağa

Can deyərək vermisən can.

Sənin ilə fəxr eləyir

Çaylı, Qazax, Azərbaycan!

Şəhid

Yasin Məmmədova

Ananın qəlbini ovutmaq üçün,

İndi mən nə deyim, necə söz yazım?

Misralar od tutub alışsın gərək,

Elə alov yazım, elə köz yazım.

Yazım bu məzarın yiyəsi kimi,

Kəsim bu həsrəti, bir yolluq edim.

Ya sənə çevrilim, sən olum, şəhid,

Ya da ki anana oğulluq edim.

Yox, edə bilmərəm, layiq deyiləm,

Bu, sənin məqamın, sənin çağındı.

Qələbə sevinci, bala itgisi,

Bütün düşüncələr darmadağındı.

Gör necə danışır, gülür bu şəkil,

Şəhidlər çevrilir vətən sirrinə.

Bu məzar hamının məzarı, çəkil,

Biraz da mən yatım sənin yerinə.

Şəhid

Xansu Qurbanova

Salam, ey gedən adam!

Salam, ey qalan şəhid!

Sən iyirmi yaşında,

Şuşanı alan şəhid!

Necəsən, gözüm nuru?

İçimdən ötən adam,

Yaraların necədir?

Qələbə, vətən adam.

Anan ilə danışdım,

Dərdi üyüdən ana.

Hamımızın anası,

Səni böyüdən ana.

Danışdım sənin kimi,

Hayına hay deyirdi,

Səni əzizləyirdi,

Sənə laylay deyirdi.

Deyirdi, mənim balam,

Dağ başında dumandı,

Deyirdi, mənim balam,

İgitdi, qəhrəmandı.

Bilirəm, qəhrəmansan,

İyirmicə yaşında,

Taleyin üzü dönsün,

Yox atan, qardaşın da.

Qəti narahat olma,

Doğmaların bil bizi,

Hamımızın doğması,

Hamımızın əzizi.

Bircə burda sinəmin,

Yarası tək göynədin,

Atasız böyümüşdün,

Anasız böyümədin!

Qarabağ şəhidlərinə aid şeir, şeirlər

6️⃣ Şəhid İsmayıl Qəsəbova

Zaman səni atıb getdi
Uşaqlığın ortasına.
Sən gözlədin, o gəlmədi,
Nə toyuna, nə yasına.

Buna gəlmək demək olmaz,
Hamı gəldi, hamı getdi.
Bircə anan! Sənin üçün,
Ömrünün hər anı getdi.

Bircə anan, anan səni,
Hey axtarıb arayırdı.
Əllərinin qabarıyla
Saçlarını darayırdı.

Və beləcə illər ötdü,
Sənintək igid böyüdü.
Nə biləydi anan sənin
Evində şəhid böyüdür?

Nə biləydi, ona şəhid,
Anası da deyəcəklər.
Məzarında qərənfillər
Lalə kimi bitəcəklər.

Nə biləydi, sinəsində,
Bala boyda dərd olacaq?
Nə biləydi, təsəllisi
Uğur ilə Mərd olacaq?

Bilirik ki, şəhid ölmür,
Ölməmisən, yaşayırsan.
Sən əbədi ata, yoldaş,
Bala adı daşıyırsan.

Daşıyırsan bu vətənin
Hər daşını, torpağını.
Daşıyırsan qələbənin
Şuşa adlı bayrağını.

Sən vətənə, bu torpağa
Can deyərək vermisən can.
Sənin ilə fəxr eləyir
Çaylı, Qazax, Azərbaycan!

“Şəhidlər”

Müəllif: Qabil Ədalət

Qoparmayın şəhid adlı yaramı,
Düşmənlər duymasın, bu fəryadımı.
Bilmirəm sevinim ya ağlayımmı,
Adın tarixlərə, yazdı şəhidlər,
Haqqın dərgahına, qalxdı şəhidlər!

Ay ana, saçını dərddən ağartma,
Gəlib gedənlərdən oğlunu sorma.
Qara bəxtim deyib, yanma-alışma,
Adın tarixlərə yazdı şəhidlər,
Haqqın dərgahına qalxdı şəhidlər!

Həyatda candan şirin deyin nə var?
Şirin candan keçdi, vətənçün onlar.
Əlbət yaşayacaq belə oğullar,
Adın tarixlərə yazdı şəhidlər,
Haqqın dərgəhına qalxdı şəhidlər!

Vətənin köməyə ehtiyacında,
Yetdilər imdada dar ayağında.
Qanların tökdülər torpağ uğrunda,
Adın tarixlərə yazdı şəhidlər,
Haqqın dərgahına qalxdı şəhidlər!

Şəhidlik adını ucuz tutmayın,
Öldülər sözünü dilə almayın.
Onlar yaşayırlar, siz unutmayın,
Adın tarixlərə yazdı şəhidlər,
Haqqın dərgahına qalxdı şəhidlər!

Qabil Ədalətəm, yolunda hazır,
Qisas alınacaq əvvəl ya axır.
Yalnız bir təsəlli ürəyi açır,
Var belə oğullar, ola şəhidlər,
Haqqın dərgahına qalxdı şəhidlər!

“Şəhidlər”

Müəllif: Bəxtiyar Vahabzadə

Qatil gülləsinə qurban gedirkən,
Gözünü sabaha dikdi Şəhidlər.
Üçrəngli bayrağı öz qanlarıyla,
Vətən torpağına çəkdi Şəhidlər…

Zalım öyünməsin zülümləriylə,
Min bir böhtanıyla, min bir şəriylə.
Həqiqət uğrunda ölümləriylə,
Ölümü kamına çəkdi Şəhidlər…

O şənbə gecəsi, o qətl günü,-
Mümkünə döndərdik çox namümkünü,
Xalqın qəlbindəki qorxu mülkünü,
O gecə dağıdıb sökdü Şəhidlər…

Tarixi yaşadıb diləyimizdə,
Bir yumruğa döndük o gecə bizdə.
Yıxıb köləliyi ürəyimizdə
Cəsarət mülkünü tikdi Şəhidlər…

Onlar susdurulan haqqı dindirər,
Qaraca torpağı qiymətləndirər.
Donan vicdanları qeyrətləndirər,
Axı, el qeyrəti çəkdi Şəhidlər…

Bilirik, bu bəla nə ilkdi, nə son,
Ölürkən uğrunda bu Ana yurdun.
Quzu cildindəki o qoca qurdun,
Doğru, düz cildini çəkdi Şəhidlər…

Dözdü hər zillətə, dözdü hər şeyə,
” Dünyada mənimdə haqqım var ” ,- deyə
Kütləni xalq edən müqaviləyə,
Qanıyla qolunu çəkdi Şəhidlər…

İnsan insan olur öz hünəriylə.
Millət, millət olur xeyri, şəriylə,
Torpağın bağrına cəsədləriylə,
Azadlıq tumunu əkdi Şəhidlər.

Şəhid

Cəmil Məmmədliyə

Quruca söz yazıram,

Başqa neynəyim, şəhid?

Sənə laylamı deyim,

Ağımı deyim, şəhid?

Nə deyim ki, borcumu

Zərrə qədər ödəyim.

Nə deyim ki, toxtasın,

Bu çırpınan ürəyim?

Deyim ki, nə danışa,

Nə də susa bilirəm.

İstəyirsən sən danış,

Qulaq asa bilirəm.

Danış müharibədən,

Bilən əsgərsən, axı.

Füzuliyə ilk dəfə

Girən əsgərsən, axı,

Bilirəm, danışanda,

Yaran ağrıyır, şəhid.

Danışmasan bilmərəm,

Haran ağrıyır, şəhid!

Yəqin yaralarını,

Duyan ağrıyır indi.

Atan ağrıyır indi,

Anan ağrıyır indi.

Ağrıyır sənin üçün

Şuşanın qala yeri,

Millətin şəhid yeri,

Vətənin bala yeri.

Zəfər yerisən bizə,

Bütün tarix, zamansan.

Bu millətə, bu xalqa

Əbədi qəhrəmansan.

“Şəhidlər”

Müəllif: Əziz Musa

Şəhidlər günəş kimi nur çiləyir hər zaman,
Şəhidlər gedən yolu bağlaya bilməz tufan,
Şəhidlər el yolunda canını verib qurban.
Şəhidlər qanlarıyla boyayıblar torpağı,
Şəhidlər zirvələrə qaldırıblar bayrağı.

Şəhidlər yatan torpaq ocağa, pirə dönər,
“Şəhidlər xiyabanı “ uzaqlardan görünər,
Şəhidlər anılan yer qərənfilə bürünər,
Şəhidlər bu dünyada dönərlər bir günəşə,
Şəhidlər ölməz olur, yaşayırlar həmişə.

Şəhidlər qeyrət tacı, ucalıq zirvəsidir,
Şəhidlər haqqın səsi, azadlıq nəğməsidir,
Şəhidlər yatan qəbir istiqlal türbəsidir,
Şəhidlər Tanrımızın sevdiyi bəndələrdir,
Şəhidlər ölmür heç vaxt, ömrü dünya qədərdir.

Şəhidlər candan artıq sevdilər ana yurdu,
Şəhidlər qoymadılar sönə ocağı, odu,
Şəhidlər qazandılar müqəddəs şəhid adı,
Şəhidlər bu torpağın, bu xalqın qan yaddaşı,
Şəhidlər igidliyin, hünərin yol yoldaşı.

Şəhidlər verən Vətən başını uca tutar,
Şəhidlər verən millət hər arzusuna çatar,
Şəhidlər gözəl yerdə- cənnətdə rahat yatar,
Şəhidlər el-obaya yol göstərən mayaqdır,
Şəhidlər zülmətlərə nur çiləyən çıraqdır.

Şəhidlər, siz ölümdən, siz qandan qorxmadınıız,
Şəhidlər, çətin anda siz candan qorxmadınız,
Şəhidlər, qəlbimizdə qərar tutb adınız,
Şəhidlər deyiləndə dağ da, daş da ağlayır,
Şəhidlər deyiləndə sellər, sular çağlayır.

Şəhidlər ana yurdun qüruru iftixarı,
Şəhidlər, qorudunuz, hər an namusu, arı,
Şəhidlər insanların ucası, bəxtiyarı,
Şəhidlər qalxan yerə qalxa bilməz hər yetən,
Şəhidlər doğuldu ki, yaşasın ana Vətən.

Şəhidlər, siz qıydınız, kim qıyardı canına,
Şəhidlər, siz döndünüz xalqın qəhrəmanına,
Şəhidlər, çevrildiniz bir hünər dastanına,
Şəhidlər, Vətən sizə hər gün alqış söyləyir,
Şəhidlər, Əziz Musa qarşınızda baş əyir.

Şəhid

Elzamin Təhməzova

Zəfərin bu taydadır,

Özün o tayda, şəhid.

Balası boyda ata,

Vətəni boyda şəhid.

Şəkillərə baxıram,

Təbəssümün ucalır.

Adam sənə baxanda

Baxışından güc alır.

İgidliyin çıxıbdır,

Şəkillərinə, şəhid,

Nümunəsən əbədi,

Bu millətin gələcək

Nəsillərinə, şəhid.

Sən döyüş meydanına

Öndə gedən komandir.

Sən 400 əsgərini

Xilas edən komandir.

Rahat uyu, şəhidin

Məqamı da cənnətdir,

Rahat uyu, balan da

Vətənə əmanətdir.

Əmanətdir adın da,

Dillərdə əzbər kimi.

Səninlə fəxr edirik

Hamı bir nəfər kimi.

Sən ordunun polkovnik –

Leytenant komandiri,

Sən kəşfiyyat şəhidi,

Kəşfiyyat komandiri.

Sən döyüş meydanında

Tufan qoparan oğul.

Şuşaya, Füzuliyə

Bizi aparan oğul.

Sağ ol, sənsən düşmənin

Yeddi postunu yenən.

Şəhid əsgərlərinə

Hamıdan salam denən.