Saxta baba seirleri
Seirler şaxta baba şeirləri Analar.az-da təqdim olunur. Dekabr ayında məktəb və bağçalarda şənliklər keçirilməyə başlanılır. Bu şənliklərdə körpələr, məktəbli uşaqlar şaxta babaya aid, Yeni ilə aid şeirlər səsləndirirlər. Biz də sizlər üçün ən çox söylənilən saxta baba seiri, Yeni il şeirlərini təqdim edirik. Yeni iliniz mübarək!
1️⃣ Şaxta baba xoş gəlib
…Qopdu bayırda tufan,
Uğuldadı yel, boran.
Döyüldü pəncərə bərk,
Açdı qapını külək.
Yelləndi çil-çiraqlar,
Doldu evə soyuq qar…
Aha-aha deyəsən,
Şaxta babadır gələn!
Saç-saqqalı tamam ağ,
Başında qardan papaq.
Girdi evə bir qoca
Boyu çinardan uca.
Yapıncısı buz kimi.
Parlayır ulduz kimi.
Qotazlı, qar xurcunu,
Uşaqlar görcək bunu-
Alıb dövrəyə həmən,
Tutdular ətəyindən:
– Şaxta baba!…
– Şaxtacan!…
– Haradasan bu vaxtacan?…
Müəllif: Əhməd Cəmil
2️⃣ Şaxta baba
Gəl bu xoşbəxt elimizi,
Təbrik elə, bir-birimizi,
Təzə gələn ilimizi
Şaxta baba, şaxta baba
Saçların ağ, saqqalın ağ,
Hansı evə getsən qonaq,
Hörmət edər hər bir uşaq
Şaxta baba, şaxta baba.
Müəllif: Xanımana Əlibəyli
3️⃣ Qar
Qara bax, qara
Gör necə yağır.
Çıxsan bayıra
Məni də çağır.
Qalın geyinək,
Həyətə çıxaq.
Qartopu yığaq.
Top-top oynayaq.
Müəllif: Mirmehdi Seyidzadə
4️⃣ Birinci qar
Dağlara qar yağdı bu gün,
Birinci qar,birinci qar!
Hər bir tərəf ağdı bu gün,
Çölə çıxın,ay uşaqlar!
Geyiminiz isti,qalın,
Şaxta sizə neyləyəcək?
Qar üstündə ilk iz salın,
Gəlin görək,gəlin görək!
İşə salın xizəkləri,
Buz üstündə axın,keçin!
Birinci qar,qış səhəri
Nə gözəldir,baxın keçin!
Yadınızdan çıxmasın ha,
Qartopu da ay uşaqlar!
Doğurdan da,bunsuz daha
Nəyə lazım birinci qar?
Yurdun xoşbəxt balaları,
Nəğmə deyin quşlar kimi.
Sevin qışı,sevin qarı
Allı-güllü bahar kimi.
Birinci qar, birinci qar!
Yeni il ilə bağlı digər məqalələr
