Həftə həftə hamiləlik

7 heftelik hamilelik 🤰🏻

7 heftelik hamilelik ilə bağlı bütün suallarınızın cavabını bunu məqalədə tapa biləcəksiniz.

Tərifsiz və bənzərsiz duyğuların üzə çıxdığı macəranın başlanğıcı olan hamiləliyin ilk həftələrindən etibarən anaları fərqli bir həyəcan, sevinc hissələri bürüyür. Artıq hamiləliyi öyrənən ilk gündən bu müddətin necə yarandığını, onların nələri gözlədiyini oxuyub araşdırmağa başlayırlar. Saytıardan, bir çox kitablardan, proqramlardan istifadə edərək həftə-həftə hamiləlik müddətini izləyən gələcəyin anaları hər daim yeni suallarına cavab axtarışındadırlar.

Hamilə qadınlar öz bədənində müşahidə etdiyi dəyişikliklərlə yanaşı, emosional yüksəlişlər və enişlər də yaşaya bilər.  Bütün həyatının axarını dəyişəcək kiçik qonağın evə gəlməsi ehtimalı ilə artıq o, ana kimi həyatına davam edir.  Körpə ananın qayğısına, diqqətinə və sevgisinə ehtiyacı olan fərd olduğu üçün ananın məsuliyyəti də artacaqdır.

Hamiləliyin 7-ci həftəsi körpənizin üzünün formalaşmağa başladığı həftədir.  Siz hələ də erkən hamiləlik əlamətlərini yaşayırsınız.  Bu həftə edilən ultrasəs müayinəsində körpənizin başı ilə ombası arasındakı məsafəni ifadə edən CRL ölçülməsi artıq ölçülə bildiyi üçün neçə həftəlik hamilə olduğunuzu tam olaraq bilmirsinizsə, hamiləlik yaşınız bu şəkildə təxmin edilə bilər. Körpənizin ölçüsünə əsasən gözlənilən doğum tarixini hesablamaq da mümkün olacaq, ancaq nə vaxt doğum edəcəyinizi dəqiq proqnozlaşdırmaq üçün heç bir yol yoxdur.  Hamiləlik yaşınız hesablandıqdan sonra 38 ilə 42 həftə arasında doğum edəcəyiniz gözlənilir.

Hamiləliyin 7-ci həftəsindəki körpənin vəziyyəti : 

Körpənizin boyu indi 9 ilə 11 millimetr arasındadır.  Lobya boyda olan körpənizin altıncı həftəsindən etibarən üzündə göz yuvaları, qulaq və burun çuxurları əmələ gəlməyə başlayır.  Beyin və sinir sistemi sürətlə inkişaf etdiyi üçün başı hələlik bədənindən çox böyük görünür və bu nisbət bir neçə həftə belə davam edəcək.  Onun ayaqları hələ də qönçə şəklindədir, qolları isə üzgəclərə çevrilməyə başlayır.  Bu həftələrdə yemək borusu və nəfəs borusu da formalaşmağa başlayır.  Onun dərisi hələ də çox incədir, ona görə də dərinin altında əmələ gəlməyə başlayan kapilyarlar dəri üzərində də görünə bilər.  Sonrakı həftələrdə dəri qalınlaşdıqca və dərialtı piy təbəqəsi inkişaf etdikcə dəri normal formasını almağa başlayacaq.  Hamiləliyiniz boyunca körpənizi sizin vasitənizlə qidalandıracaq plasenta da bu həftələrdə formalaşmağa başlayıb.

Hamiləliyin 7-ci həftəsində gözlər, burun dəlikləri, öd kisəsi, bağırsaqlar və mədəaltı vəzi daha aydın şəkildə inkişaf etməyə davam edir.  Qulaq strukturları formalaşmağa başlayır.  Göz qapaqları tamamlanmaq üzrədir.

Yeddi həftəlik körpədə dizlərdə, dirsəklərdə və biləklərdə oynaqlar əmələ gəlir.  Digər orqanlar hüceyrəvi olaraq inkişaf etməyə davam edir.  Onun cinsi hüceyrə səviyyəsində artıq müəyyən edilir.

Hamiləliyin 7-ci həftəsində tiroid bezi inkişaf etməyə davam edir.  Mərkəzi sinir borusu beyin və onurğa beyninə bölünür.  Körpənin beyni böyüyür.  Beyindən bədənə mesaj ötürəcək sinir sistemi hüceyrələrini meydana gətirəcək sinir hüceyrələri meydana gəlməyə başlayır.  Beynin həssas və bir-biri ilə əlaqəli ön, orta və arxa beyin hissələri formalaşmağa başlayır.

Hamiləliyin 7-ci həftəsində ürəyin sağ və sol ürək qapaqları inkişaf etməyə başlayır.  Onun ürəyi keçən həftəyə nisbətən daha sürətli döyünür.  Ürək dəqiqədə 180 döyüntü, böyüklərdən iki dəfə çoxdur.  Körpədə artıq qan dövranı başlayıb.

Həzm sistemi tumurcuq halında formalaşmağa başlayır.

 7 heftelik hamilelikde Ultrasəs şəkli

7 həftəlik hamiləliyin ultrasəs görüntüsündə embrion tamamilə amniotik kisəyə yerləşib və bu kisənin içindəki mayedə həyatına davam edər.  Körpənin amniotik kisənin içərisində böyüməsi onu xarici amillərdən qoruyur.  7 həftəlik körpə ana bətnində C şəklindədir, başı və quyruğu qabarıqdır.  Embrionun düz yanındakı halqavari quruluş yumurta sarısı kisəsidir və bu həftə aydın görünür. Yumurta sarısı kisəsinin funksiyası tam müəyyən edilməsə də, körpəyə aid qan hüceyrələrinin istehsalını təmin etdiyi təxmin edilir.  Quruluşuna görə qaraciyər funksiyasını yerinə yetirir.  İçi qara olan sarı kisəsi, demək olar ki, hamiləlik kisəsinin divarına yapışır.  Körpə böyüdükcə, hamiləlik kisəsi ilə uşaqlıq arasındakı xorion boşluğu azalacaq və sarı kisəsi təxminən 10-12  həftələr arasında azalıb yox olacaq.

Həkim hər müayinədə körpənin boyunu ölçəcəkdir.  Bu həftə həkim xüsusilə körpənin beyin və ürək inkişafını qiymətləndirir.

Lazım gələrsə, həkiminiz hamiləliyin 7-ci həftəsində vaginal ultrasəs müayinəsini tövsiyə edə bilər.  Erkən hamiləlikdə vaginal ultrasəs abdominal ultrasəs ilə müqayisədə strukturların daha erkən aşkar edilməsini təmin edir.  Vaginal ultrasəs körpəyə heç bir zərər vermir.

  Hamiləliyin 7-ci həftəsində anada baş verən dəyişikliklər

7 həftəlik hamiləliyin əlamətləri əvvəlki həftələrdə olduğu kimi aşağıdakılardır;

  • Yorğunluq və yatmaq istəyi
  • Tez-tez sidiyə getmə ehtiyacı
  • Başgicəllənmə və ürəkbulanma
  • Emosional dəyişikliklər
  • Müəyyən qidalardan iyrənmək
  • Hansısa qidanı həddindən çox arzulamaq.

 

Hamiləliyin 7-ci həftəsində uşaqlığınız indi əvvəlkindən iki dəfə böyük olur.  Bu vəziyyətdə, uşaqlığın sidik kisəsini sıxması və həmçinin qan təzyiqinin bir qədər artması səbəbindən daha tez-tez sidiyə getməli ola bilərsiniz.  Tez-tez tualetə getməmək üçün su istehlakınızı azaltmaq doğru olmaz, maddələr mübadiləsinizin sağlam şəkildə işləməsinə davam edə bilməsi üçün gündəlik ehtiyacınız olan minimum 2,5 litr su istehlak etməyə diqqət etməlisiniz.  Bundan əlavə, hamiləlik dövründə istifadəsi tövsiyə olunan vitamin və mineral əlavələri qəbul etməyə başlasanız belə, ilk həftələrdən qidalanmanıza diqqət yetirməlisiniz.  Yaşıl yarpaqlı tərəvəzlər, balıq, qırmızı ət və bol dəmir və vitamin ehtiva edən paxlalılar kimi qidaları balanslı şəkildə pəhrizinizə daxil etməlisiniz.  Hamiləlik dövründə necə yemək lazım olduğuna dair suallarınız varsa, xüsusi bir probleminiz olmasa belə, hər zaman bir diyetoloqa müraciət edə biləcəyinizi unutmayın.  Hamiləlik dövründə qidalanma ilə məşğul olan dietoloq sizin üçün xüsusi qidalanma proqramı hazırlayaraq hamiləliyinizi daha rahat və sağlam keçirməyinizə kömək edə bilər.

Bir çox ananın ilk həftələrdə yaşadığı ürəkbulanma şikayətləri sizin üçün də çətin gəlirsə, iştahınızın xeyli azaldığını, hətta arıqladığınızı hiss edə bilərsiniz. Bundan narahat olmayın, bir çox hmilələr  14-cü həftədə ürəkbulanma əlamətlərinin azaldığını deyirlər.  Gündəlik həyatınıza bu qədər təsir edən ürək bulanması yaşayırsınızsa və heç yemək yeyə bilmirsinizsə, hamiləlik zamanı bulantı əleyhinə hamsı dərmanı qəbul edə biləcəyinizi həkiminizdən soruşa bilərsiniz.

İlk həftələrdə hiss etdiyiniz döşləriniz dəki  həssaslıq da azalmağa başlaya bilər, ancaq estrogen hormonunun artması və qan təzyiqinizin artması səbəbindən döşlərinizdə dolğunluq hissi davam edə bilər.  Bir müddət sonra döşləriniz də süd istehsalı üçün hazırlaşmağa başlayacaq, ona görə də indidən özünüzə rahat büstqalterlər alın və geyindiyiniz paltarların rahat və hava ala bildiyinə əmin olun.

Xüsusi bir vəziyyətə görə həkiminiz tərəfindən xüsusi olaraq məhdudlaşdırılmadığı müddətcə cinsi əlaqədə olmağın heç bir zərəri yoxdur.

Yorğunluq, tez-tez ürəkbulanma və narahatlıq kimi vəziyyətlərlə mübarizə aparmağın ən yaxşı yollarından biri yoqa və meditasiyadır.  Hamiləlik yogası ilə məşğul olmağı düşünürsünüzsə, bu həftə araşdırmaya başlamaq yaxşı fikir ola bilər.

Diqqət edilməli şeylər :

7 heftelik hamilelikde bəzi gələcək analar üçün ürəkbulanma qaçınılmazdır.  Bu prosesdən keçmək üçün sizə bir neçə təklif var:

❌ Çox yağlı qidalar qəbul etməyin,

❌ Zərərli vərdişlərinizdən imtina edin.

❌ Qeyri-sağlam qidalardan istifadə etmək olmaz.

✔️ Tez-tez və az yeyin,

✔️ Yataqdan qalxmazdan əvvəl bir az duzlu kraker qəlyanaltı edin,

✔️ Nanə çayı istifadə edin.

Əgər tez-tez qusmanız olarsa bədəndə su itkisi baş verə bilər.  Bu zaman xəstəxanada sistem qoyulmaqla  itirilmiş su və minerallar əvəz oluna bilər . Sistem qəbul etdikdən sonra ürəkbulanma və qusma günlərlə davam edərsə, həkiminiz ürək bulanmasına qarşı dərman tövsiyə edəcəkdir.  Bulantı əleyhinə dərmanların hamiləliyin erkən mərhələlərində təhlükəsiz olduğu göstərilir.

Körpənin ana bətnində ən həssas və sürətlə böyüyən dövrü 5-10 həftə arasıdır.  Bu səbəbdən 7-ci həftədə qidalanmadan dərman istifadəsinə, həkim müayinələrindən hamiləlik testlərinə qədər bir çox mövzuda həssas olmaq vacibdir.

Hamiləliyin 7-ci həftəsində yorğunluq və yuxululuq hissi sıx şəkildə yaşana bilər.  Hamiləliyin ilk həftələrinə xas olan bu vəziyyətə dözmək üçün uşaq gözləyən ananın bu dövrdə bədənin ehtiyac duyduğu qədər dincəlməsi və yatması yaxşıdır. Təmiz havada olmağa çox diqqət edin.

Hamiləliyin 7-ci həftəsində bəzi həddindən artıq emosional reaksiyalarınız ola bilər.  Ən xırda bir şeyə ağlaya bilərsiniz, ya da həyat yoldaşınızı və ya yaxınlarınızı rəğbətsizlikdə günahlandıra bilərsiniz.  Bu vəziyyət hormonlardan qaynaqlansa belə, ətrafdakı insanların narahatlığına səbəb ola bilər.  Bu cür neqativ anlardan sonra yaşadığınız ilk peşmançılıqda bu vəziyyətin hamiləlikdən qaynaqlandığını söyləsəniz, qarşınızdakı insanın çox rahatladığını görə bilərsiniz.

Hamiləliyin yeddinci həftəsindən etibarən gələcək analar müəyyən qidalara həddindən artıq həvəs göstərə bilərlər. Bu vəziyyət adətən hormonal dəyişikliklər nəticəsində baş verir.  Bədənin əskik bir vitamin və ya mineral ehtiyacı səbəbiylə özlem də yaşana biləcəyi ifadə edilir.  Bu, xüsusilə güclü ürəkbulanma keçirən və müəyyən qidalardan məhrum olmaq məcburiyyətində qalan gözləyən analarda daha tez-tez baş verə bilər.  Həyat yoldaşlarından və qohumlarından çox diqqət görməyən gözləyən analarda özlem bəzən diqqəti cəlb etmək yolu ola bilər.  İstənilən halda orqanizmin tələbləri diqqətdən kənarda qalmamalı və gələcək ana arzuladığı yeməkləri, mümkünsə (mövsümi və mövcud olarsa) yeməlidir.

Sual-cavab

 7 həftəlik körpə hərəkət edirmi?

7 həftəlik körpəniz bu həftədən etibarən qarnınızda hərəkət etməyə başlayıb.  Ancaq çox kiçik ölçüsünə görə bu hərəkətləri hələ hiss edə bilməzsiniz.  Körpənin hərəkətlərini hiss etməsi üçün bir az daha gözləmək lazımdır.  Bu müddət 16 həftəyə qədər çəkə bilər. Bir çox uşaq gözləyən analar  körpəsinin ilk hərəkətlərini 16  – 20 həftələri  arasında hiss etməyə başlayır.

  7 həftədə ürək döyüntülərini eşidilə bilərmi?

 7 heftelik körpənin ürəyi 4 kamera şəklindədir və ürəyi  döyünməyə başlayıb.  Ağciyərləri və tənəffüs yolları inkişaf etməyə başlayan 7 həftəlik körpənin ürək döyüntüləri ultrasəs ilə eşidilir.  Bu həftə körpənin ürək dərəcəsi orta hesabla dəqiqədə 130-160 vuruş arasındadır.

Hamiləliyin 7 həftəsində  ağrı normaldırmı?

Hamiləlik zamanı qasıq və ya qarın nahiyəsində ağrılar əksər gələcək analarda rast gəlinir.  Hamiləlik dövründə uşaqlığın böyüməsi qasıq ağrısına səbəb ola bilər.  Böyüyən uşaqlığın digər orqan və əzələlərə təzyiqi təbii ağrı və həssaslığa səbəb ola bilər.  Hamiləliyin 7-ci həftəsində bu ağrı bir az daha güclü ola bilər.  Bu proses istirahət, kiçik gəzintilər və rahat oturma vəziyyətləri ilə daha rahat keçə bilər.

7 həftəlik hamilə olanlar nə yeməlidir?

İmmunitet sisteminiz körpənizi qəbul etməyə və hər ikinizi qorumağa uyğunlaşır.  İndi əlavə qayğı ilə sağlam və balanslaşdırılmış pəhriz ilə təbii müdafiə mexanizminizi dəstəkləməyin vaxtıdır.

  • Kifayət qədər təzə olmayan qidalardan uzaq durmalısınız.
  • Pasterizə edilməmiş pendirlər, çiy dəniz məhsulları və qırmızı ət, əvvəlcədən hazırlanmış salatlar kimi risk yarada biləcək məhsullardan uzaq durmağa çalışmalısınız.
  • Qırmızı ət, quş əti və dəniz məhsullarının yaxşı bişirilməsinə və isti istehlak edilməsinə diqqət yetirməlisiniz. Bütün qidaları diqqətlə yumalısınız.
Dəyərləndir

Əlaqəli yazı

Leave a Reply

Your email address will not be published. Required fields are marked *

Back to top button