Qarox supu

Qarox supu çox dadlı sulu xörəklərdən biridir. Adi suplardan daha ləzzətli olan qarox supu əsasən qış alarında daha çox bişirilir. Fərqli resseptlərin təqdim olunduğu Analar.az-dan ən ləzzətli xörəklərin resseptlərini əldə edə bilərsiniz.

Ressept 1

Tərkibi:

• 2 ədəd soğan
• 2-3 xörək qaşığı kərə yağı
• 1.5 lt su
• 2 ədəd kartof
• 1 stəkan qarox
• Zövqə görə duz, istiot, sarıkök
• yarım dəstə keşniş

Hazırlanma qaydası:

1. İlk əvvəl kərə yağını əridib üzərinə doğranmış soğanları əlavə edin.
2. Qovurmağa başlayın.
3. Daha sonra tomatı əlavə edərək qovurmağa davam edin.
4. Qaynar suyu tökün.
5. Doğranmış kartofları əlavə edin.
6. 1 gün soyuq suda saxladığınız qaroxları əlavə edin.
7. Kartof bişdikdən sonra keşnişləri yeməyin üzərinə səpərək servis edin.

Nuş olsun!

Ressept 2

Tərkibi:

• 2 ədəd soğan
• 2-3 xörək qaşığı kərə yağı
• 1 diş sarımsaq
• 1.5 lt su
• 2 ədəd kartof
• 1 ədəd kök
• 1 stəkan qarox
• 100 qr ovçü kolbasası
• Zövqə görə duz, istiot, sarıkök
• yarım dəstə keşniş

Hazırlanma qaydası:

1. Soğanı yağda qızılı rəng alana kimi qovurun.
2. Üzərinə ilk əvvəlsarımsağı daha sonra isə tomatı əlavə edərək qovurmağa davam edin.
3. Suyu tökərək qaynamasını gözləyin.
4. Qaynadıqdan sonra doğranmış kartfonları əlavə edin.
5. Başqa bir qazanda kolbasları doğrayıb yağda qızardın.
6. Qaroxları əlavə edib yenidən qaynamasını gözləyin.
7. Bişən yeməyin üstünə doğranmış kolbasaları əlavə edin.
8. Zövqə görə keşniş səpərək servis edə bilərsiniz.

Nuş olsun!