5 heftelik hamilelik🤰🏻
5 heftelik hamilelik ilə bağlı bütün lazimi məlumatları Analar.az komandası olaraq sizin üçün topladıq.
Analığa namizəd olan xanımlar, hamiləlik xəbərini öyrəndikdən sonra artıq bu sahədə araşdırmalar aparmağa başlayırlar. Saytlardan, sosial şəbəkələrdən, hamiləlik tətbiqlərindən istifadə edərək hər həftə onları nələrin gözlədiyini oxuyub öyrənirlər. Saytımızda da sizlər üçün 5 həftəlik hamiləlik prosesini aydın şəkildə təqdim etməyə çalışdıq. Sizi və körpənizi nələr gözlədiyini, hamiləliyin inkişafı haqqında hər bir detalı bu məqaləmiz sayəsində öyrənə bilərsiniz.
Hamilə xanımların həftə-həftə hamiləliyini təqib etməyə başladığı dövrlər arasında olan 5 heftelik hamilelik dövrü, hamiləliyin kəsinləşdiyi həftədir. Evdə edilən hamiləlik testlərinin ən yaxşı nəticə verməsi üçün ən uyğun dövrdür. 5 həftəlik hamiləlik həm də erkən hamiləlik əlamətlərinin başladığı mərhələdir. Yorğunluq, ürəkbulanma və döş həssaslığı kimi simptomlarla ortaya çıxan ilk əlamətlər hamiləliyin təqibi üçün dəyərli məlumatlardır.
Bu müddət ərzində menstruasiya görməli olduğunuz müddətdə hələ də qanaxmanız olmasa bir həftə daha gözləyə və hamiləlik testi edə bilərsiniz. Demək olar ki, 99% nəticə əldə edə biləcəyiniz bu dövrdə hamiləlik təqibi üçün həkiminizlə görüşmək, peşəkar bir prosesi izləməyinizə kömək edir. Bəzi gələcək analarda hamiləliyin 5-ci həftəsində qanaxma ola bilər. Bu həftə ərzində kiçik qanaxma və ləkələr normal olsa da, yenə də həkiminizə məlumat verməli və müayinə olunmalısınız. Xüsusilə qanaxmanın konsistensiyasını (ağır və ya sulu) və rəngini (tünd qırmızı, açıq qırmızı, çəhrayı, qəhvəyi), müddəti və qanaxma intervalını qeyd etməli və bu məlumatı həkiminizə bildirməlisiniz. Ultrasəs müayinələri ilə körpə və sizin üçün hər şey qaydasında olsa belə, hamiləliyin davam edən dövrlərində həkiminiz hamiləliyin daha diqqətli olmasını tövsiyə edə bilər. Hətta sizi daha tez-tez izləməyi təklif edə bilər.
Hamiləliyin 5-ci həftəsində körpənin vəziyyəti necə olur?
5 həftəlik körpənin uzunluğu təqribən 2 millimetrdir, lakin bu kiçik hüceyrə yığınında böyük dəyişikliklər baş verməyə davam edir. Hələ də embrion olaraq adlandırılan körpənizi meydana gətirən üç təbəqə var və bunların hər birində onun həyati fəaliyyətini təmin edəcək strukturlar formalaşmağa başlayır.
✔️ Ektoderma adlanan ən xarici təbəqədə körpənin ağzını, burnunu, qulaqlarını, dərisini və bədən tüklərini meydana gətirəcək strukturlar formalaşmağa başlayır.
✔️ Mezoderma adlanan orta təbəqə ürək və damar sistemini meydana gətirəcək hüceyrələri ehtiva edir və qan dövranı sistemi 5-ci həftədən etibarən inkişaf etməyə başlayır.
✔️ Endoderma adlanan daxili təbəqədə endoderma vəzilərini, sidik kisəsini və həzm sistemini meydana gətirəcək hüceyrələr əmələ gəlir.
Hamiləliyin 5-ci həftəsində körpənin qan dövranı sistemi formalaşmağa başladığı üçün hələ də çox kiçik olan ürək döyünməyə başlayır, lakin hələ də ürək döyüntülərini eşitmək mümkün deyil. Bu dövrdə gələcək anaları ən çox maraqlandıran sual “5 həftəlik körpə ultrasəsdə görünə bilərmi?” sualdır. Qarın boşluğunun ultrasəs müayinəsində körpənin kisəsi aydın göründüyü halda, 5 həftəlik hamiləlik ultrasəs görüntüləri yalnız vaginal ultrasəs ilə aydın olur.
Hamiləliyin 5-ci həftəsində balaca iribaş kimi görünən körpənin bədəni, baş və skelet quruluşlarının davamlı inkişafı sayəsində sonrakı həftələrdə forma alacaq və böyüyəcəkdir.
5 həftəlik körpə ana bətnində sadəcə bir nöqtə qədərdir . Ancaq hamiləlik dövründə körpənin böyüməsi sürətlə inkişaf edir. Kiçik bir embrion olan 5 həftəlik körpə inkişafı araşdırıldığında, embriondakı hüceyrələr bir araya gələrək sinir borusunu əmələ gətirir.
Beş həftəlik körpənin bətnində nazik bir boru görünüşü var. Koksiksin ilk mərhələsi ilə beyni meydana gətirəcək iki fərqli quruluş ilk formalarını almağa başlayır. Bu həftə ərzində kiçik körpəniz amniotik kisə adlanan maye ilə dolu qabarcıqda böyüməyə davam edir və sarı kisə adlanan bir quruluşla qidalanır. Bu həftədən etibarən plasenta öz işini görməyə başlayır və qan hüceyrələri istehsal mərhələsinə keçir. Körpə yumurta sarısı kisəsi ilə qan hüceyrələrini qəbul edərkən, sonrakı həftələrdə göbək bağı və plasenta körpə ilə ana arasında həyatı möhkəm tutmağa başlayacaq.
5 heftelik hamilelik əlamətləri
Hamiləliyin 5 həftəsində artıq siz bir sıra dəyişikləri müşahidə edə biləcəksiniz. Hamiləlik hormonları gələcək ananın bədənində sürətlə ifraz olunmağa davam edir. Bu hormonlar tərəfindən yatırılan menstruasiya dayandırılması hamiləliyin əsas əlamətlərindən biridir. Bir çox qadın hamilə olduqlarının fərqinə varmaya bilər, çünki bu həftənin gecikməsi menstruasiya pozuntusu hesab olunacaq. Hamiləliyin 5-ci həftəsində görülən əlamətlərdən biri də vaginal axıntıdır. Bu ağ, sulu və bir qədər qoxulu axıntının əsas vəzifəsi vajinadan gəlmə ehtimalı olan bakteriyaların körpəyə çatmasının qarşısını almaqdır.
5 həftəlik hamiləlik əlamətləri arasında ən çox hiss edilən hal gələcək ananın kifayət qədər yorğun və tükənmiş hiss etməsidir. Bəzi gələcək analarda yüngül və ya şiddətli ürəkbulanma və tez-tez sidiyə getmə müşahidə edilə bilər. 5 həftəlik hamiləliyin əlamətləri arasında başqa bir güclü əlamət döş və məmə uclarının həssaslığıdır. Döş toxumasının sərtləşməsi və yüngül ağrı ola bilər. Həmçinin məmə rənginin tündləşdiyini və məmə uclarının genişlənməyə başladığını da görmək olar.
Bəzi qadınların 5-ci həftəlik hamiləlik əlamətləri arasında ağızda metal dad, həddindən artıq tüpürcək axması və qoxuya qarşı yüksək həssaslıq olduğu da məlumdur. Bəzi qidaların dad və qoxusundan iyrənmə də bu dövrdə tez-tez görülən əlamətlər arasındadır. Bunlar hamiləlik hormonlarının yaratdığı şərtlərdir. Çünki vücudunuzun bu hormon qarışıqlığına alışması üçün bir az daha çox vaxt lazımdır. Əgər bu sizi çox narahat edirsə, saqqız çeynəyə bilərsiniz. Hamiləliyin yalnız başlanğıcı olsa da, bu həftə ərzində gələcək anada emosional dəyişikliklər də hamiləliyin xəbərçisi ola bilər. Özünüzü hər hansı bir şeyə həddən artıq gülərkən və ya ağlarkə tapa bilərsiniz.
Ümumi olaraq bu əlamətləri qısa şəkildə belə sıralaya bilərik:
✔️ psixoloji olaraq ruh halının tez-tez dəyişməsi,
✔️ vajinal axıntıların artması,
✔️ döşdə sərtləşmə, şişmə, ağrı,
✔️ qoxulara qarşı həssaslıq,
✔️ ürəkbulantılarının başlaması,
✔️ yorğunluq, yuxusuzluq.
Hamiləlikdə nələrə diqqət olunmalı?
5 həftəlik hamiləlik dövrünə başlamısınızsa, artıq siz bir çox şeyə diqqət etməlisiniz. Sağlam bir hamiləlik keçirmək hər bir kəsin arzusudur. Bu isə anadan asılıdır. Əgər körpənizin sağlam şəkildə inkişaf etməsi sizin üçün vacibdirsə, aşağıda sadalananlara diqqət etməlisiniz:
✔️ Stressdən uzaq qalmaq.
✔️ Zərərli vərdişlərdən imtina etmək.
✔️ Meyvə və tərəvəzlərdən çox istifadə etmək.
✔️ Düzgün və sağlam qida pəhrizi yaratmaq.
✔️ Yuxu rejiminizə diqqət etmək.
✔️ Təmiz havada çox olmaq, gəzmək, hamilələr üçün fayda ola biləcək idman hərəkətlərini daimi olaraq etmək.
Sual-cavab
5-ci həftə hamiləlik müayinəsi və testləri hansılardır?
Hamiləliyin 5-ci həftəsində hamiləlik sidik və ya qan hamiləlik testi ilə müəyyən edilir. Ultrasəs ilə hamiləlik kisəsi və körpənin ürək döyüntüsü görülür.
Hamiləliyin 5-ci həftəsində körpə nə qədər böyüyür?
Hamiləliyin 5-ci həftəsində körpənin boyu 1-2 millimetrə çatır. Təxminən küncüt toxumu boydadır.
5 həftəlik hamilə olanlar nələrə diqqət etməlidir?
Bu həftə körpənin sürətlə inkişaf etməyə çalışdığı kritik dövrdür. Tez-tez və az yemək rejiminə riayət edilməlidir. Bol maye qəbul etməli, vitamin əlavələri və fol turşusu nizamlı olaraq istifadə edilməlidir.
Hamiləliyin 5 həftəsində qanaxma və ya ləkə görünürmü?
Hamiləliyin 5 həftəsində az miqdarda qanaxma və ya ləkələnmə kisənin tutunma qanamasıdır. Qanaxmanın çox olması uşağa düşmə riski yarada bilər. Bu səbəbdən, normadan artıq ləkə müşahidə edildikdə, mama-ginekoloqa müraciət etmək vacibdir.
Hamiləliyin 5 həftəsində cinsi əlaqədə olmaq mümkündürmü?
Hamiləlik dövründə bir çox gələcək analar körpəsinə zərər verə biləcəyindən qorxaraq cinsi əlaqədən qaça bilərlər. Ancaq hər şeyin yaxşı getdiyi hamiləliklərdə həkimin icazəsi ilə cinsi əlaqədə olmaq mümkündür. Ancaq bəzi hallarda cinsi əlaqədə olmaq çətinləşə bilər. Xüsusilə hamiləliyin ilk 3 ayında aşağı düşmə riski ola biləcəyi üçün həkiminiz hamiləliyin 5 həftəsində cinsi əlaqəyə icazə verməyə bilər. Hamiləliyin 5 həftəsində cinsi əlaqəyə girmək üçün mütləq həkim məsləhətini almalısınız.
Hamiləliyin 5 həftəsində qaz ağrısı, ishal, ürək yanması, ürəkbulanma, mədə ağrısı olurmu?
Hamiləlikdə artan progesteron hormonu bədəndəki hamar əzələlərin rahatlamasına və qidanın daha yavaş həzm olunmasına səbəb olur. Buna bağlı olaraq köp sancısı, şişkinlik və qəbizlik kimi şikayətlər tez-tez olur.
Hamiləliyin 5 – ci həftəsində sidik yollarının infeksiyası risklidirmi?
5 həftəlik hamiləlikdə sidik yollarının infeksiyası vaxtında müalicə olunmazsa, böyrək infeksiyalarına və uşağın düşməsinə, vaxtından əvvəl doğuşa səbəb ola bilər.
